«Savoir-vivre»

Dood, Eeländ und Noot, uns egaal wies um d Wält stoot!

Glyy glückligg syy, e Gläsli Wyy
Easy flanierend am Rhyy,
Boule spiele, in dr Sunne vrwiile,
vrdient gniesse, in dr Masse vo viile,
sich die Usszyt nee,  kei Stress jetzt,
Freshness, s Läbe kei Stresstescht.
Push-Noochricht grad erschiine,
Drohne-Aagriff in dr Ukraine.
4 toti Kinder und d Muetter wägg,
luegsch uffe Fluss, «sone Schissdrägg».
Jetzt isch die Baustell immer no doo,
immer no so trischt, nit witter koo.

Savoir-vivre – toujours ivre
Seulement vivre ou survivre.
So viel Dood, Eeländ und Noot
uns egaal wies um d Wält stoot!

Du laufsch witter, nümme niechtern
Losglööst, so schön d Stadtliechter.
Zum Abschluss schiggsch iire e Kuss
hoggsch gschwind in näggschte Bus
Aktuells grad im TV gloffe
60 Mensche scho wieder vrsoffe.
Und Humanismus isch au vrbii
S gitt Oligarchie statt Demokratie,
Di Bligg schweift, schüttlisch dr Kopf
nit z friide mit dir und dim Alltragstrott.£
Di Ranze waggst und isch z wenig glai,
Und s Koks isch dr mittlerwiile z wenig rein.

Savoir-vivre – toujours ivre
Seulement vivre ou survivre.
So viel Dood, Eeländ und Noot
uns egaal wies um d Wält stoot!

Pastis en masse,  massehaft Ässe
Immer numme mit de Beschte mässe.
Remineszänz an alte Sunnekönig,
absolut gsee, wird alles beschönigt.
Paralysiert vo glaine Näbegschichte,
dr Bligg nit uff richtig Wichtigs richte.
Überforderig im Disko-Glanz,
Diini Wärt? Kognitivi Dissonanz.
Und aigentligg hesch richtig Schiss;
D Titelgschicht? Nüt isch gwiss,
Alles Glasse, bald alles vrprasse,
savoir vivre, me kaa nit alles fasse.