Dupf-Club Käller

Dr Dupf-Club Basel hett e wunderbare Cliquekäller zmittst in dr Innerstadt, am Pfäffergässli 8!
Dä Käller ka me an de Wuchenänd für aigeni Aläss miete.


Willkomme am Pfäffergässli 8 im scheenschte Cliquekäller vo dr Stadt!

Im Pfäffergässli 8 unterhalte-mer e schöne Cliquekäller, wo unter dr Wuche vo dr Clique sälber benützt wird. Dört finde unseri Drummel- und Pfyfferstunde statt und unseri Sitzige.

Aber an de Samschtige und Sunntige ka-me dä Käller au privat miete! Doderzue muesch-dy an unsere Källermeischter wände, mit ihm e Aaloss-Datum und d’ Übernahm abmache:
(Direktlink Kellermeister)

Standort

Vom Nodlebärg s Imbergässli durab, oder an dr Haseburg s Imbergässli duruf, in dr verwinklete Altstadt an scheenschter Lag befindet sich unsere Cliquekäller.

Mietkonditione

Für Cliquemitglieder: CHF 100 ohni Person

Für Extärni: CHF 300 inkl. 2 Lüt Personal

D’ Abnahm und Abrechnig vo de Rümligkeite und d’ Schlüsselübergoob finde, wenn nit anderscht veryybart, am Daag no dr Benützig statt. D’ Zahlig und die genaui Zyt muess me denn mit em Källermeischter abmache.