Willsch dr Zeedel vo dr Fasnacht 2024 loose?
Dr Stamm vom Dupf-Club Basel!
Mir sinn dr Stamm vom Dupf-Club Basel. E bunte Huffe vo begaisterete Fasnächtler, wos gärn gsellig het. Mir pflääge s Kameradschaftlige, gänn sorg zu unserne Traditioone und beweege uns syyt 1932 kreativ sowie offe duur d Wält. An dr Fasnacht simmer rund 30 Tamboure, 25 Pfyffer, 15 Vordrääbler und natürlig 1 Tambourmajor. Wie au die Jungi und die Alti Garde mache mir viel für d Fasnacht sälber und hän e aktivs Vereinsläbe s Joor duure.
Bi uns herrscht e aktiv gläbti Willkommenskultur – mir freue uns über jeede neue Dupf-Clübler, egal ob du Queriistiger bisch oder scho neume anders Fasnacht gmacht hesch! Kasch di jederzyyt gärn bi uns mälde und verbyykoo.
Mir freue uns uff di!
Wär alles?
Im Stamm vom Dupf-Club Basel sin alli aktive Mitglieder, wo mindischtens 18 Joor alt sin. Ab 40 Joor darf me in die Alti Garde übereträtte, me muess aber no lang nid! Mir sin offe für Neumitglieder – Queriistiger oder sottigi, wo scho neume anders Fasnacht mache oder gmacht hän. Mäld di eifach bi uns unter obmaa@dupf-club.ch.
Wenn träffe mir uns?
Jewyyls am Donnschtigzoobe träffe mir uns zu dr Iebigsstunde. Kulinarisch abgrundet wärde die mit eme gmietlige gmainsaame Nachtässe. S Verainsjoor isch voller Aaläss wie Aktivesitzige, d Generalversammlig, gmainsame Iebigsstunde, Summergrill, Jubelständeli, Jassturnier, Tambuureherbschtbummel, e gmainsams Wiehnachtsässe sowie s Ööbeli.
Was koschtet d Fasnacht?
Dr Mitgliederbiitrag für e Verein isch 125 Frangge als Pfyffer und 155 Frangge als Dambuur (dört isch no e Drummleversicherig inklusive) jedes Joor. Dr Biitrag für d Fasnacht isch 400 Frangge. Dört inbegriffe isch e Z’morge nach em Morgestraich, s Z’nacht am Mäntig- und Mittwuchobe sowie e Goschdym und e Larve!
Wo gseht me uns an dr Fasnacht?
Am Morgestraich stöhn mir – zämme mit der Junge und dr Alte Garde vom Dupf-Club – bim Singerhuus iih. Mir sind am Cortège und nadyyrlig bis spoot in d Nacht bim Gässle aazträffe.
Dr Zischtigzoobe bildet jeedes Joor e unvergässlig schöne Höhepunkt: Punggt 9i am Noodlebärg, jetzt isch es sowyyt – mir setze in unserem unverkennbare, veielett-gääle Pierrot zu unserem beriehmt-berüchtigte Umgang duur die fasnächtlige Gasse und Baize vo Basel aa.
Fasnachtsarchiv
Fasnacht 2024: Dini Muetter het e Ständer!
Unsere Zeedel kasch nit nur lääse sondern au online loose. Zeedel und Impressione vo vergangene Fasnachte findsch in unserem Fasnachtsarchiv.
Und welli Märsch sin bi uns im Repertoir?
- 3. Värs
- Altfrangg
- Arabi
- Basler Feschtspiel
- Baslermarsch
- Brite 79
- Die Alte Schwizer Märsch
- Dudelsagg
- Festival
- Gässler
- Glopfgaischt
- Gluggsi
- Hofnarr
- Läggerli
- Liberty Bell
- Luuser
- Naarebaschi
- Nunnefirzli
- Ohremyggeli
- Pierrot
- Retraite
- Ryslaifer
- Saggodo
- Sixty Nine
- Unggle Sam
- Whisky Soda
- Z’Basel
- Celanese
- Faschtewaie
- Mätzli
- Ueli
- Spalebärg